এটা শব্দত প্ৰকাশ কৰা

 এটা শব্দত প্ৰকাশ কৰা

ধান থোৱা ঠাই --- ভঁৰাল৷

অ'ত ত'ত ঘুৰি ফুৰা লোক --- অঘৰী৷

কাৰো নাম নোলোৱাকৈ দিয়া গালি --- গুৱালগালি৷

যাক বৰ্ণনা কৰিব নোৱাৰি --- অবৰ্ণনীয়৷

যাক বাৰণ কৰিব নোৱাৰি --- অনিবাৰ্য৷

যাক লংঘন কৰিব নোৱাৰি --- অলংঘ্য৷

যাক দেখা নাযায় --- অদৃশ্য৷

যাক সহজে লাভ কৰিব নোৱাৰি --- দুৰ্লভ৷

বাপেকৰ সখিয়েক --- তাৱৈ৷

তাৱৈৰ ঘৈণীয়েক --- আমৈ৷

যাৰ আদি নাই --- অনাদি৷

যাৰ সীমা নাই --- অসীম৷

যাৰ নাম নাই --- অনামী৷

যাৰ সীমা আছে --- সসীম৷

যি আনৰ অধীন নহয় --- স্বাধীন৷

যি আনৰ অধীন --- পৰাধীন৷

গৰু বন্ধা ঠাই --- গোহালি৷

যি পথৰ পৰা বিচলিত --- পথভ্ৰষ্ট৷

যি কথাৰ অৰ্থ নাই --- নিৰৰ্থক৷

যি আনৰ ওপৰত নিৰ্ভৰ কৰে --- পৰনিৰ্ভৰশীল৷

যাক কল্পনা কৰিব নোৱাৰি --- কল্পনাতীত৷

যাক পৰিহাৰ কৰিব নোৱাৰি --- অপৰিহাৰ্য৷

যাৰ ধাৰ আছে --- ধাৰুৱা৷

যি অলপতে শুনে --- শহাকণীয়া৷

যি কাৰো পক্ষত নাথাকে --- নিৰপক্ষ৷

যি নিশা চৰে --- নিশাচৰ৷

যি সহ্য কৰিব পাৰে --- সহনশীল৷

যি মাছ-মাংস নাখায় --- নিৰামিষহাৰী৷

দুটা মাহৰ মাজৰ দিন --- দোমাহী বা সংক্ৰান্তি৷

যি জনে নিয়মমতে খৰচ কৰে --- মিতব্যয়ী৷

যি সঁচা কথা কয় --- সঁচাকথীয়া, সত্যবাদী৷

যি ঘৰত ওপজে --- ঘৰ-ওপজা৷

যি নগৰত থাকে --- নগৰীয়া৷

যি গাঁৱত থাকে --- গাঁৱলীয়া৷

যি বিদেশত থাকে --- প্ৰবাসী৷

যি জনে ভিক্ষাৰে জীৱন নিৰ্বাহ কৰে --- ভিক্ষাৰী৷

যি জনে আনৰ বস্তু বলেৰে নিয়ে --- ডকাইত৷

যি কথা জনা নাযায় --- অজ্ঞাত৷

যি জনে কাৰো লগত মিলিব নোৱাৰে --- অজীন-পাতকী৷

যি ভয় নকৰে --- নিৰ্ভীক৷

আনৰ ভাল দেখিব নোৱাৰা --- চকুচৰহা, পৰশ্ৰীকাতৰ৷

একে গুৰুৰ শিষ্য --- হৰিভকত, সতীৰ্থ৷

একে শ্ৰেণীতে পঢ়া --- সহপাঠী৷

জন্মৰ পৰা অন্ধ যি --- জন্মান্ধ৷

যাৰ মাক মৰিছে --- মাউৰা৷

যি পুৰুষৰ তিৰোতা মৰিছে --- বৰলা৷

যি তিৰোতাৰ পুৰুষ মৰিছে --- বিধৱা৷

বিহুৰ আগৰ দিনটো --- উৰুকা৷

যি দিনত নেদেখে --- দিনকণা৷

দুই ঘৰৰ মাজৰ ঠাই --- দোঘোৰা৷

ঘৰৰ চালৰ পানী পৰা ঠাই --- পানী পচা৷

এবাৰ ফল দি মৰা গছ --- ওষধি৷

একে মাকৰ সন্তান --- সহোদৰ, সোদৰ৷

আঁঠুলৈ বৈ পৰা --- আজানুলম্বিত৷

গোটেই জীৱন জুৰি --- আজীৱন৷

মাগিলে ভিক্ষা নোপোৱা সময় --- দুৰ্ভিক্ষা৷

দুই বছৰৰ মূৰত পোৱালি দিয়া গাই --- দোৰাহী৷

পনীয়া গাখীৰ দিয়া গাই --- জলাহী৷

ভেকুলীৰ পোৱালি --- লালুক৷

স্মৰণ কৰিবলগীয়া --- স্মৰণীয়৷

যাৰ বিয়া হোৱা নাই --- আবিয়ৈ৷

জিভাৰে চেলেকি চাব পৰা বস্তু --- লেহ্য৷

জন্তুৰ নিচিনা যি --- জান্তব৷

যি গৰমো নহয় ঠাণ্ডাও নহয় --- কুহুমীয়া৷

যি বতৰ শীতো নহয় উষ্ণও নহয় --- নাতিশীতোষ্ণ৷

যি ফল কেঁচাও নহয় পকাও নহয় --- ডাহেচীয়া৷

মাৰ ভনীয়েক --- মাহী৷

দেউতাৰ ভনীয়েক --- পেহী৷

মাৰ সতিনীয়েক --- বিমাতা, মাহীমা৷

কঁঠালৰ সৰু কলি --- মুচি৷

গৰৈ মাছৰ সৰু --- গৰৈচিৰিকা৷

কাৱৈ মাছৰ সৰু --- কাৱৈচোকোৰা৷

বৰালি মাছৰ সৰু --- বৰালিলেটা৷

ৰৌ মাছৰ সৰু --- ৰৌমণি৷

ভকুৱা মাছৰ সৰু --- ভকুৱাটেপা৷

শ’ল মাছৰ সৰু --- শ’লঠাৰি৷

মাগুৰ মাছৰ সৰু --- মাগুৰজালি৷

মাছৰ পোৱালি --- পোনা৷

গৰুৰ পোৱালি --- দামুৰি৷

দাঁত ওলোৱা হাতী --- দঁতাল৷

পোৱালি দিবৰ বয়স নোহোৱা মাইকী গৰু --- কাঢ়লী৷